Natsuwar Zuciya
 |
|
Natsuwar Zuciya: Me yasa kake yawan damuwa?
Akwai lokutan da mutum yake jin kamar duniya ta yi masa kuncin da ba shi da mafita. Shin ka taba tambayar kanka me yasa damuwa take mamaye zuciyarka?
Mafi yawancin damuwa tana fitowa ne daga abubuwa biyu: Tsoron gobe (wadda ba ka da ikon canza ta) ko Bakin cikin jiya (wadda ta riga ta wuce).
Ga matakai 3 da zasu taimaka maka ka samu natsuwa:
Tawakkali :
Ka sani cewa abin da aka rubuta zai same ka, ba zai taba kuskure ka ba. Dogara ga Allah shine asasin natsuwa. "Ka bar wa Allah komai, Shi zai kiyaye maka komai."
Rayu a Yanzu:
Ka daina duba nisan tafiyar dake gaba, mayar da hankali kan abin da zaka iya yi "Yanzu". Natsuwa tana zuwa ne lokacin da ka daina fada da abin da ba ka da iko a kansa.
Godiya:
Idan ka kidaya ni'imomin da kake da su maimakon matsalolin da kake fuskanta, zaka ga cewa har yanzu kai mai rabo ne.
Tuna wannan: Damuwa ba ta dauke matsalolin gobe, sai dai kawai tana kwashe natsuwar yau.
Tambaya ga mai karatu: Wane abu ne guda daya yake sanya maka natsuwa idan kana cikin damuwa? Rubuta mana a bangaren sharhi (comments).